Русская линия
Патриархия.Ru26.09.2005 

Неделя пред Воздвижением Животворящего Креста Господня

Пролог служебный, 14 сентября

Поучение на Воздвижение Честнаго Креста

Днесь, братие, Крест Пресвятый воздвижется, разрешая прегрешения наша и всякое лето обновляя Воздвижением своим, и обетшавшая грехом сердца наша поновляет.

Тем бо Святым Крестом искуплени быхом от клятвы законныя, на том бо пригвоздися Христос Бог наш и рукописание греха нашего раздра, на том умертви вся прегрешения наша и соблажнения, того же даде нам Владыка и Бог оружие на противнаго врага.

Тем смерть умертвися и ад разрушися, тем Адам умерщвленный древле паки обновися, и Ева от клятвы свободися — древным бо вкушением бе испал [Адам] из рая древле, Древом же паки Крестным вселися в рай.

Того бо видевши смерть, вострепета страхом, и испусти яже бе пожерла древле — от перваго Адама до Того, Иже на нем пригвоздися.

Той бо есть наша победа, той есть наше оружие на противнаго. Тем знаменующеся, не убоимся видимаго и невидимаго врага. Той бо есть целитель страстей наших, той есть насыщаяй без труда верою сердца наша, той есть хранитель всем христианом и охранитель всем. Тем знаменаем мы все тело и брашно наше, и не приступит к нам зло — той бо напасти наша прогонит.

Темже, братие, того святаго Креста со страхом целующе и кланяющеся ему, отвержем от себе всяку злобу, ярость, гнев, клевету, лихоимание, студодеяние и пиянство — та вся диаволу повержем. Возлюбим мир, кротость, трезвение, нищелюбие, странноприятие, пощение и чистоту — то бо есть ангельское житие, теми бо делы вси правовернии спасаются.

Сию чистоту и подобныя ей дела возлюбим, да будем сынове Вышняго и причастницы Царствия Его, славяще Пресвятую Троицу, Отца и Сына и Святаго Духа, ныне и присно и во веки веков.



Примечание: На иллюстрации изображена Лимбургская ставротека — вероятно, именно тот константинопольский реликварий, содержащий самые знаменитые в христианском мире части Древа Честного Креста, который износился в древности из императорской сокровищницы в храм Св. Софии накануне дня Воздвижения для поклонения на праздник. За праздничным богослужением Патриарх, стоя на амвоне посреди храма, воздвигал Крест, составленный из частей Животворящего Древа и вложенный в реликварий. Этот реликварий был вывезен из Царьграда в Западную Европу крестоносцами и осел в г. Лимбург.

http://www.patriarchia.ru/db/text/50 321.html


Каталог Православное Христианство.Ру Рейтинг@Mail.ru Яндекс.Метрика